بدون سلاح ولا عنف ولا كراهية"
"Sans arme, ni haine, ni violence"
هي دي العبارة اللي كتبها "ألبرت سباجياري" على جدار خزنة بنك (سوسيتيه جنرال) بعد ما سرقها و هرب.
سنة 1976م في نيس, فرنسا "سباجياري" عرف ان خزنة بنك (سوسيتيه جنرال) مفهاش جهاز انذار, راح هناك و اجر صندوق امانات عشان يقدر يدخل الخزنة و يصورها و يدرسها كويس جدا..
اكتشف انه هيحتاج وقت كبير عشان يقدر يفتح صناديق الامانات اللي عددها اكثر من 1000 صندوق, بدأ يفكر ازاي يقدر يدخل الخزنة و يبقى قدامه الوقت الكافي اللي يخليه ينفذ عملية السرقة بدون ما حد يحس بيها.
راح عند البلدية و ادعى انه مقاول و طلب منهم خريطة شبكة الصرف الصحي, قرر انه هيحفر نفق يوصله للخزنة, حط خطة و حسب المسافة لقاها تقريبا 9 امتار..
سافر مدينة (مارسيليا) و قابل قادة عصابات الجريمة المنظمة هناك و عرض عليهم خطته و وافقوه يجيبوله العدة و الرجالة, و ياخدوا نسبة من المبلغ اللي هيتسرق.
اخد الرجالة و العدة و راحوا للمكان اللي حدده و بدأوا عملية الحفر, "سباجياري" حط برنامج عمل دقيق جدا عشان يستغل كل ثانية لصالحه, امرهم يناموا كويس و يشتغلوا 10 دقايق و يريحوا 10 دقايق, دا كمان كلم دكتور و ظبط معاه عشان لو حد فيهم حصله اختناق او اي مشكلة و هم فـ النفق تحت ينقذه.
بعد 9 اسابيع من الحفر وصلوا اخيرا لـ جدار الخزنة, 30 سم اسمنت مسلح, "سباجياري" وصل كهرباء للمكان اللي هم فيه بسلك طوله 0.8 كيلو تقريبا و اتاكد ان مفيش اي صوت من آلات الحفر اللي هيخترق بيها جدار الخزنة صوتها هيطلع برا.
فـ نهاية الاسبوع و البنك قافل قدروا انهم يخترقوا الجدار و يدخلوا الخزنة و اول حاجة عملوها لحموا باب الخزنة من جوا و بدأوا يكسروا الصناديق و يسرقوا اللي فيها.
فريق "سباجياري" قعد فـ الخزنة 27 ساعة فتحوا فيها اكثر من 400 صندوق و اثناء العملية جابلهم اكل نضيف و انبسطوا و استريحوا و قبل ما يمشوا كتب جملته الشهيرة على جدار الخزنة من جوا.
بعد اكتشاف السرقة تم الاشتباه فـ "سباجياري" و اعترف تحت ضغط التحقيق لكن مقلش اي حاجة عن شركاءه, و اثناء جلسة مع قاضي التوجيه, "سباجياري" قدم للقاضي رسومات مزيفة و مش مفهومة بيعرض فيها خطته لارتكاب الجريمة, فـ القاضي مفهمش حاجة, راح "سباجياري" قايم وقف جنبه و قعد يشرحله و فجأة راح جاري على الشباك و نط منه نزل على سقف عربية و كان فيه واحد مستنيه بـ موتوسيكل ركب وراه و هرب.
"سباجياري" فضل هربان و طول ما هو عايش فضل يبعت رسائل للشرطة يسخر منها دا حتى بعت للراجل صاحب العربية اللي نط عليها 600 دولار ثمن تصليح السقف و فضل على هذا الحال لحد ما مات سنة 1989م.
قصته اتعملت فـ اكثر من فيلم :
- Les égouts du paradis (فرنسي)
- The Great Riviera Bank Robbery (بريطاني)
- افضل الافلام هو Sans arme, ni haine, ni violence اتعمل سنة 2008 و هو فيلم فرنسي.
"Sans arme, ni haine, ni violence"
هي دي العبارة اللي كتبها "ألبرت سباجياري" على جدار خزنة بنك (سوسيتيه جنرال) بعد ما سرقها و هرب.
سنة 1976م في نيس, فرنسا "سباجياري" عرف ان خزنة بنك (سوسيتيه جنرال) مفهاش جهاز انذار, راح هناك و اجر صندوق امانات عشان يقدر يدخل الخزنة و يصورها و يدرسها كويس جدا..
اكتشف انه هيحتاج وقت كبير عشان يقدر يفتح صناديق الامانات اللي عددها اكثر من 1000 صندوق, بدأ يفكر ازاي يقدر يدخل الخزنة و يبقى قدامه الوقت الكافي اللي يخليه ينفذ عملية السرقة بدون ما حد يحس بيها.
راح عند البلدية و ادعى انه مقاول و طلب منهم خريطة شبكة الصرف الصحي, قرر انه هيحفر نفق يوصله للخزنة, حط خطة و حسب المسافة لقاها تقريبا 9 امتار..
سافر مدينة (مارسيليا) و قابل قادة عصابات الجريمة المنظمة هناك و عرض عليهم خطته و وافقوه يجيبوله العدة و الرجالة, و ياخدوا نسبة من المبلغ اللي هيتسرق.
اخد الرجالة و العدة و راحوا للمكان اللي حدده و بدأوا عملية الحفر, "سباجياري" حط برنامج عمل دقيق جدا عشان يستغل كل ثانية لصالحه, امرهم يناموا كويس و يشتغلوا 10 دقايق و يريحوا 10 دقايق, دا كمان كلم دكتور و ظبط معاه عشان لو حد فيهم حصله اختناق او اي مشكلة و هم فـ النفق تحت ينقذه.
بعد 9 اسابيع من الحفر وصلوا اخيرا لـ جدار الخزنة, 30 سم اسمنت مسلح, "سباجياري" وصل كهرباء للمكان اللي هم فيه بسلك طوله 0.8 كيلو تقريبا و اتاكد ان مفيش اي صوت من آلات الحفر اللي هيخترق بيها جدار الخزنة صوتها هيطلع برا.
فـ نهاية الاسبوع و البنك قافل قدروا انهم يخترقوا الجدار و يدخلوا الخزنة و اول حاجة عملوها لحموا باب الخزنة من جوا و بدأوا يكسروا الصناديق و يسرقوا اللي فيها.
فريق "سباجياري" قعد فـ الخزنة 27 ساعة فتحوا فيها اكثر من 400 صندوق و اثناء العملية جابلهم اكل نضيف و انبسطوا و استريحوا و قبل ما يمشوا كتب جملته الشهيرة على جدار الخزنة من جوا.
بعد اكتشاف السرقة تم الاشتباه فـ "سباجياري" و اعترف تحت ضغط التحقيق لكن مقلش اي حاجة عن شركاءه, و اثناء جلسة مع قاضي التوجيه, "سباجياري" قدم للقاضي رسومات مزيفة و مش مفهومة بيعرض فيها خطته لارتكاب الجريمة, فـ القاضي مفهمش حاجة, راح "سباجياري" قايم وقف جنبه و قعد يشرحله و فجأة راح جاري على الشباك و نط منه نزل على سقف عربية و كان فيه واحد مستنيه بـ موتوسيكل ركب وراه و هرب.
"سباجياري" فضل هربان و طول ما هو عايش فضل يبعت رسائل للشرطة يسخر منها دا حتى بعت للراجل صاحب العربية اللي نط عليها 600 دولار ثمن تصليح السقف و فضل على هذا الحال لحد ما مات سنة 1989م.
قصته اتعملت فـ اكثر من فيلم :
- Les égouts du paradis (فرنسي)
- The Great Riviera Bank Robbery (بريطاني)
- افضل الافلام هو Sans arme, ni haine, ni violence اتعمل سنة 2008 و هو فيلم فرنسي.
ليست هناك تعليقات:
إرسال تعليق