"سرقة القطار الكبير أو العظيم - The Great Train Robbery"
من اشهر و امكر عمليات السرقة في العالم, و اللي تمت بدون نقطة دم او رصاصة واحدة بخطة ابهرت المحققين في بريطانيا.
في اغسطس سنة 1963م كان قطر "Royal Mail" مسافر كـ العادة من (غلاسكو) لـ (لندن), لكن قطر البريد الملكي مش زي اي قطر, لأنه بيقوم بـ نقل اغلى و اثمن المحتوايات البريدية و منها اكياس الفلوس التابعة للبنوك و المؤسسات المالية.
"بروس رينولدز" سمع عن القطر و قرر انه يسرقه و هو كان العقل المدبر للخطة و قائد المجموعة اللي هتنفذ, درس خط سير القطر و اختار مضيق معزول على بعد ساعتين من لندن, قطع كل وسائل الاتصالات اللي عند المضيق دا, لكن المشكلة دلوقتي هي ازاي يقدر يوقف قطر ماشي بيمشي بسرعة 70 ميل فـ الساعة!
جاتله فكرة لما لقى اشارة موجودة جنب خط سير القطر بتنور احمر و اخضر, غطوا النور الاخضر و جابوا بطارية خارجية و شغلوا النور الاحمر و بكدا تم حل مشكلة وقوف القطر.
"بروس" قسم عصابته لـ 3 مجموعات, اول لما القطر يجي و يقف,
1- مجموعة تسيطر على غرفة المحرك و السواق.
2- مجموعة تفصل اول عربيتين -اللي فيها الفلوس- عن باقي عربيات القطر.
و بعد ما يمشوا بالقطر شوية هيأمر السواق يقف فـ مكان معين, و هو اللي كان فيه المجموعة الثالثة اللي معاهم عربيات مدهونة زي دهان عربيات الجيش هينقلوا فيها الفلوس و يهربوا.
و فعلا الخطة مشيت بالحرف و قدروا يسرقوا اكثر من 120 كيس فلوس فيهم حوالي 7.3 مليون دولار, العربيات اللي هربوا بيها كان فيها اجهزة تقدر تسمع اي اشارة صادرة من الشرطة و بعد شوية سمعوا عن خبر السرقة انه اتعرف و قعدوا يضحكوا.
مكانوش قلقانين لأن كل اللي محتاجينه نص ساعة فقط عشان يوصلوا لمزرعة مهجوره هيستخبوا فيها و يخبوا العربيات لحد ما الجو يهدى في المنطقة و بعدها يهربوا برا البلد.
لكن غلطة واحدة كانت هي السبب فـ ان امرهم يبدأ ينكشف, لما كانوا بيهربوا من القطر قالوا للعمال محدش يتحرك من القطر لمدة نص ساعة و فيه واحد برا هيبقى مراقبكم, لما الشرطة عرفت المعلومة دي المحققين قالوا دا معناه انهم ممكن يبقوا مستخبيين فـ مكان بعيد عن هنا مدة نص ساعة بالضبط و فعلا رسموا دائرة على الخريطة قطرها هو المسافة اللي تمشيها عربية فـ نص ساعة من نقطة الحادث و بدأ البحث.
اول ما العصابة عرفت الخبر اترعبوا و قرروا يمشيوا بسرعة من البيت دا و قدروا يوصلوا لندن و استخبوا هناك و اتفقوا ان واحد فيهم يبقى يرجع عشان يمسح اي بصمات ليهم.
و فـ يوم واحد معدي من قدام البيت اللي كانوا مستخبيين فيه لاحظ ستائر سودا على الشبابيك و لقى عربية عند البيت و هو عارف ان البيت دا مهجور فـ بلغ الشرطة.
الشرطة وصلت قبل الراجل اللي كان المفروض هينضف البصمات و فتشت البيت و لقت اكياس الفلوس مدفونة فـ ارض جنبه فـ رفعوا البصمات من على البيت من جوا و بمقارنتها بـ المجرمين اللي عندهم سوابق لقوا تطابق و تم تحديد هوية المجرمين و بدأوا يقبضوا عليهم واحد ورا التاني.
لكن اصعب واحد تم القبض عليه هو "بروس" لأنه كان ذكي و بعد السرقة خلص نفسه و ضرب ورق مزور و سافر فرنسا و تم القبض عليه بعد 5 سنين من الجريمة.
و فيه 2 من العصابه اتقبض عليهم و قدروا يهربوا, و دول هنعرض قصتهم فـ البوستس الجاية ان شاء الله.
من اشهر و امكر عمليات السرقة في العالم, و اللي تمت بدون نقطة دم او رصاصة واحدة بخطة ابهرت المحققين في بريطانيا.
في اغسطس سنة 1963م كان قطر "Royal Mail" مسافر كـ العادة من (غلاسكو) لـ (لندن), لكن قطر البريد الملكي مش زي اي قطر, لأنه بيقوم بـ نقل اغلى و اثمن المحتوايات البريدية و منها اكياس الفلوس التابعة للبنوك و المؤسسات المالية.
"بروس رينولدز" سمع عن القطر و قرر انه يسرقه و هو كان العقل المدبر للخطة و قائد المجموعة اللي هتنفذ, درس خط سير القطر و اختار مضيق معزول على بعد ساعتين من لندن, قطع كل وسائل الاتصالات اللي عند المضيق دا, لكن المشكلة دلوقتي هي ازاي يقدر يوقف قطر ماشي بيمشي بسرعة 70 ميل فـ الساعة!
جاتله فكرة لما لقى اشارة موجودة جنب خط سير القطر بتنور احمر و اخضر, غطوا النور الاخضر و جابوا بطارية خارجية و شغلوا النور الاحمر و بكدا تم حل مشكلة وقوف القطر.
"بروس" قسم عصابته لـ 3 مجموعات, اول لما القطر يجي و يقف,
1- مجموعة تسيطر على غرفة المحرك و السواق.
2- مجموعة تفصل اول عربيتين -اللي فيها الفلوس- عن باقي عربيات القطر.
و بعد ما يمشوا بالقطر شوية هيأمر السواق يقف فـ مكان معين, و هو اللي كان فيه المجموعة الثالثة اللي معاهم عربيات مدهونة زي دهان عربيات الجيش هينقلوا فيها الفلوس و يهربوا.
و فعلا الخطة مشيت بالحرف و قدروا يسرقوا اكثر من 120 كيس فلوس فيهم حوالي 7.3 مليون دولار, العربيات اللي هربوا بيها كان فيها اجهزة تقدر تسمع اي اشارة صادرة من الشرطة و بعد شوية سمعوا عن خبر السرقة انه اتعرف و قعدوا يضحكوا.
مكانوش قلقانين لأن كل اللي محتاجينه نص ساعة فقط عشان يوصلوا لمزرعة مهجوره هيستخبوا فيها و يخبوا العربيات لحد ما الجو يهدى في المنطقة و بعدها يهربوا برا البلد.
لكن غلطة واحدة كانت هي السبب فـ ان امرهم يبدأ ينكشف, لما كانوا بيهربوا من القطر قالوا للعمال محدش يتحرك من القطر لمدة نص ساعة و فيه واحد برا هيبقى مراقبكم, لما الشرطة عرفت المعلومة دي المحققين قالوا دا معناه انهم ممكن يبقوا مستخبيين فـ مكان بعيد عن هنا مدة نص ساعة بالضبط و فعلا رسموا دائرة على الخريطة قطرها هو المسافة اللي تمشيها عربية فـ نص ساعة من نقطة الحادث و بدأ البحث.
اول ما العصابة عرفت الخبر اترعبوا و قرروا يمشيوا بسرعة من البيت دا و قدروا يوصلوا لندن و استخبوا هناك و اتفقوا ان واحد فيهم يبقى يرجع عشان يمسح اي بصمات ليهم.
و فـ يوم واحد معدي من قدام البيت اللي كانوا مستخبيين فيه لاحظ ستائر سودا على الشبابيك و لقى عربية عند البيت و هو عارف ان البيت دا مهجور فـ بلغ الشرطة.
الشرطة وصلت قبل الراجل اللي كان المفروض هينضف البصمات و فتشت البيت و لقت اكياس الفلوس مدفونة فـ ارض جنبه فـ رفعوا البصمات من على البيت من جوا و بمقارنتها بـ المجرمين اللي عندهم سوابق لقوا تطابق و تم تحديد هوية المجرمين و بدأوا يقبضوا عليهم واحد ورا التاني.
لكن اصعب واحد تم القبض عليه هو "بروس" لأنه كان ذكي و بعد السرقة خلص نفسه و ضرب ورق مزور و سافر فرنسا و تم القبض عليه بعد 5 سنين من الجريمة.
و فيه 2 من العصابه اتقبض عليهم و قدروا يهربوا, و دول هنعرض قصتهم فـ البوستس الجاية ان شاء الله.
ليست هناك تعليقات:
إرسال تعليق