*كارل بانزرام*

5 سبتمبر 1930م هو اليوم اللي اتنفذ فيه حكم الاعدام شنقا على بانزرام, ولما الراجل اللي هيعدمه سأله اذا كان عنده حاجة اخيرة عايز يقولها قبل ما يتعدم, قاله "ايوة, بسرعة يا ابن ****, كان زماني قتلت 10 رجالة و انت لسة مخلصتش".    grin emoticon

كارل عاش طفولة منطوية حتى امه كرهها بسبب عدم اهتمامها بيه او بأخواته, و هو عنده 8 سنين ارتكب جريمة سرقة و بسببها دخل الاصلاحية, اتعرض هناك للاغتصاب و التعذيب و ده خلاه ميكرهش امه بس, ده بقى بيكره المجتمع كله.

لما بقى عنده 13 سنة ظهر عنده هواية غريبة و هى حب اشعال الحرايق و انه يشوف الناس بتعاني منها عشان كدا حرق مدرسته. دخل الجيش و تم اتهامه بجريمة سرقة فـ اتسجن هناك و خرج بعد سنة, بس كارل لما خرج كان زي المجنون قعد يحرق البيوت و الكنائس. تم القبض عليه و اتسجن تاني لكن بعد 30 يوم حرق مبنى السجن و قدر يهرب.

سافر انجولا و ارتكب هناك اشهر جرائمه و هي انه خرج مع 6 رجالة في الغابة يصطادوا, كارل رجع من رحلة الصيد دي لوحده و اتعرف بعدها انه قتلهم و قطع جثثهم و رماها للتماسيح. بعد فترة رجع امريكا و حصلت حادثة فتحت عيون الشرطه عليه, و هى انه خطف طفل و اغتصبه و خنقه, لما اتمسك بسبب الجريمة دى اكتشفوا جرائم تانية مشابهة, تم مواجهته بـ جرائمه و اعترف بيها, اتحكم عليه بالاعدام و الاحصائيات قالت انه اغتصب اكتر من 1000 شخص وقتل اكتر من 50 واحد.