رمضان ابو زيد"

"رمضان ابو زيد"

لو كنت شوفت فيلم العتبة الخضرا بتاع اسماعيل يس و احمد مظهر, و كنت فاكر ان قصة النصب اللي فيه نكتة من خيال المؤلف فـ المفجأة ان قصة بيع الترام دي مستوحاه من حادثة واقعية حصلت فعلا فـي مصر.

فيلم العتبه الخضرا

رمضان ابو زيد العبد, نصاب عنده 27 سنة, اخد الثانوية و بعدها بدأ يستخدم ذكاءه في النصب و الاحتيال لكن "بيع الترام" كان اكبر عملية نصب عملها فـ حياته..

سنة 1948م رمضان ركب الترام رقم 30 من شارع القصر العيني, وقف جنبه واحد كدا من القرويين لما رمضان بصله عرف انه سهل ينصب عليه, بدأ الحديث بينهم و فهم من "حفظ الله سليمان " انه جاي يدور على شغل فـ القاهرة و انه معاه فلوس كمان عشان يقدر يبدأ بيها اي مشروع.

من هنا رمضان انتهز الفرصة و بدأ يعرض عليه اعمال لكن حفظ الله كان بيرفض حتى بدون ما يفكر, و هم قاعدين رمضان لاحظ ان حفظ الله مركز اوي مع زحمة الترام و الكمسري و الفلوس اللي بيلمها, فـ قاله تشتريه؟

رمضان ابو زيد العبد

حفظ فرح و وافق و راحوا لـ مكتب محامي صاحب رمضان النصاب و قاله انه هيبيعله الترام بـ 200 جنيه, فـ حفظ الله اعترض و قاله كدا كتير, فـ رمضان قاله انا كنت هبيعه بـ 1000 جنيه و لولا انك بلدياتي مكنتش اديتك السعر دا!.

حفظ الله دفع 80 جنيه, و كتب على نفسه كمبيالة بـ 120 جنيه, و كتبوا العقود و راحوا سوا عند الترام تاني و لما الترام جه "حفظ الله" فرح اوي بقى صاحب ملك بقى و بتاع, و رمضان قاله ابقى خد بقى الفلوس من الكمساري لما يوصل آخر الخط.
grin emoticon
و فعلا "حفظ الله" ركب الترام و فضل فيه لآخر الخط و لما راح للكمساري يقوله هات الحساب, الكمساري قاله حساب ايه؟, راح "حفظ الله" مسك فيه و قاله آآه انت فاكرني عبيط. grin emoticon

اتخانقوا مع بعض و راحوا القسم و هناك فهم كل حاجة, رمضان كان ليه سوابق فـ النصب فـ جابوه و "حفظ الله" اتعرف عليه و اتحكم عليه بالسجن سنتين و نص.