فرانك أباغنيل - Frank Abagnale"
اتولد "فرانك" سنة 1948م في نيويورك, و كان قريب جدا من ابوه و عاش معاه بعد ما والديه اتطلقوا, اتعود انه يحضر الاتفاقيات و الصفقات اللي ابوه بيعملها و دا اداله خبرة في مجال البيزنيس و العقود..
و اول ضحية من ضحايا "فرانك" هو الحاج (ويليامز) والده,
grin emoticon
بدأ "فرانك" يستخدم الـ كريدت كارد بتاع ابوه و يروح يشتري محركات عربيات و إطارات و بطاريات, و بدل ما ياخد الحاجات دي, يسيبها و يقولهم انا عاوز فلوسها كاش و ياخد الفلوس فـ ايده و يمشي, و هو قدام ابوه اشترى الحاجات دي.
لما وصل 16 سنة, ساب البيت عشان يعيش حياته المستقلة و مكنش في حسابه فـ البنك إلا 200$, راح زور رخصة السواقة بتاعته و كبر نفسه 10 سنين و زور شهادات علمية كبيرة و دا ساعده فـ انه يشتغل في وظائف اجرها عالي.
و قعد يكتب للناس شيكات بدون رصيد و يعمل كل اللي نفسه فيه لكنه كان مدرك انه ممكن يتمسك فـ اي لحظة, فـ قرر انه يزور شخصيته و يبدأ ينتحل شخصيات عشان ميتمسكش و كمان لو انتحل شخصيات ناس رواتبهم عالية دا هيخليه يقدر يكتب الشيكات بفولس اكتر بدون ما حد يشك ان مفيش رصيد فـ البنك..
انتحل شخصيات كتير اشهرها انه انتحل شخصية *طيار*
كلم شركة طيران قالهم ان البدلة بتاعته ضاعت و انه عاوزهم يبعتوله واحده و قالوله على المقر اللي يقدر يجيب منه بدلة جديدة و بـ التزوير قدر يجيبها و تتشحنله عشان يستلمها, و قام مزور اثبات شخصية طيار و رخصة للطيران و راح صاحب مضيفات عشان يتعلم و يعرف معلومات و يقدر يمثل انه طيار بدون ما حد يكشفه, و يركب اي طيارة بحق اسمه " deadheading" معناه ان الطيار يسافر كراكب لإحضار طائرة اخرى و يقعد و ياكل و يشرب في افخر الاماكن على حساب شركة الطيران.
و انتحل شخصيات اخرى زي (طبيب - مدرس مساعد في جامعة - محامي).
و اتمسك لما احتال على بنوك في فرنسا خد منها اكتر من 300,000 دولار و قرر انه يعيش كويس بقى من بعدها و دي تبقى اخر نصباية, لكن واحدة من صحباته القدام شافت صورته انه مطلوب للعدالة و دلت الحكومة عليه و اتمسك..
لما اتمسك كان فيه 12 دولة بتطلب تسليمه عشان يعاقبوه على جرائم النصب اللي عملها جوا البلد, و بعد ما قضى بعض العقوبات دي اترحل على امريكا و قدر يهرب من الطيارة بعد ما نط منها و هي على ارتفاع 3 امتار و هي بتنزل و قدر يجيب مفتاح خزنة كان فيها 20,000 دولار و خطط انه يسافر للبرازيل عشان مفيش اتفاقية بينها و بين امريكا فيها لتسليم المجرمين لكن عملية هروبه للبرازيل فشلت.
السلطات الامريكية لما مسكته قالتله انهم ممكن يفرجوا عنه بشرط!
انه يعلملهم الطرق اللي كان بيزور بيها و ازاي كان بيستغل الثغرات اللي فـ الانظمة عشان يوصل للي هو عاوزه و اشتغل فـ الـ FBI لأكثر من 30 سنة و عمل شركة بتعلم الناس ازاي يتجنبوا النصابين و عمليات النصب.
اتعمل عن قصة حياته فيلم اسمه "Catch Me If You Can" بطولة ليوناردو ديكابريو بس مش كل الاحداث اللي في الفيلم هي الواقعية.
ليست هناك تعليقات:
إرسال تعليق