"جيمس فيرون - James Verone"
اشتغل بنزاهة و بدون التعرض لأي شبهة جنائية, لكن شركة كوكا كولا فجأة استغنت عنه و بقى عاطل.
بدأ "جيمس" يعاني من مشاكل فـ الظهر و جاله التهاب في المفاصل و مشاكل صحية تانية كان ألمها شديد و علاجها غالي, مكنش معاه اي فلوس او تأمين صحي عشان يروح يعالج نفسه.
قرر انه يسرق بنك عشان يتخلص من المشكلة اللي هو فيها دي..
راح "جيمس" لأحد بنوك ولاية كارولاينا, و ادى ورقة للصراف بيقوله فيها انه سرق دولار واحد من البنك! و انه هيروح يقعد في الاستراحة على بال ما البوليس يجي..
و فعلا البوليس جه و قبض على "جيمس" و خده على السجن..
قبل ما "جيمس" يدخل السجن كان عارف ان السجون بتقدم رعاية صحية شاملة للمساجين, و لأن مصاريف علاجه كانت غالية جدا عليه قرر انه يعمل كدا عشان الحكومة هي اللي تصرف على علاجه, و كدا كدا "جيمس" اتأكد انه هيطلع من الحوار دا بعد ما يتعالج لأن النيابة مش هتقدر تثبت عليه جريمة السطو او سرقة بنك عشان دولار واحد يعني,
و بسبب الموضوع دا الدنيا اتقلبت فـ امريكا على التأمينات الصحية و لازم الحكومة تشوف حل لغلاء التأمينات دي..
ليست هناك تعليقات:
إرسال تعليق