"جون & روبرت كينيدي - John & Robert Kennedy"
كلنا اكيد عارفين الممثلة الامريكية (مارلين مونرو), بس مش كلنا عارفين هي ماتت ازاي.. (مارلين) وُجدت ميتة عريانة على سريرها في منزلها.
نظريات كتير بحثت عن اسباب موتها المفاجئ دا و هي في سن الـ36 فـ عز شهرتها و مجدها, في الوقت دا تم نشر انها ماتت منتحرة بجرعة زائدة من الهيروين لكن فيه ناس كتير رفضت الكلام دا لأن مفيش اي مبرر يخليها تعمل كدا و ظهرت اشاعات بقى على انها كانت تعبانة و افتراضات تانية, لكن النظرية السائدة في الحادثة دي..
ان (مارلين مونرو) تم قتلها و اللي ورا الجريمة دي هو "روبرت كنيدي" و اخوه, خوفا من انها تفضحهم او تتكلم عن علاقتها بـ عائلة كينيدي السياسية المرموقة في المجتمع.
و اللي نفذ الجريمة هو الممثل (بيتر لوفورد) و الدكتور النفسي لمارلين (رالف غرينسون) اللي حقنها بـ حقنة بنتوباربيتال قاتلة, بعد ما حقنها بالنيمبتلاس و 17 حقنة من هيدرات الكلورال.
و يُقال ان "روبرت" كان موجود في مسرح الجريمة أثناء عملية القتل و قعد يدور على مذكراتها عشان ياخدها معاه,
و مسألة انتحار (مارلين) ترجيحها ضعيف جدا لأن مفيش اي حاجة تدل على انتحارها, مكتبتش اي رسالة ولا كان جنبها في مسرح الجريمة اي مواد كيميائية او كباية ماية حتى.
ليست هناك تعليقات:
إرسال تعليق