"
فولفجانج بريكلوبيل - Wolfgang Přiklopil"
مرتكب اشهر جريمة خطف في العالم.
بريكلوبيل حبس ناتاشا في اوضة تحت الارض بـ باب فولاذي مفهاش شباك ولا اي حاجة تدخل ضوء الشمس, مكنش بيسمحلها انها تخرج برا الزنزانة فـ اول 6 شهور من مدة الخطف, و بدأ يستعمل معاها مبدأ الترغيب و الترهيب, لو سمعت كلامه هيعاملها كويس, لو مسمعتش كلامه هيعاملها بقسوة.
بدأت ناتاشا تسمع الكلام, فـ بريكلوبيل بدأ يجيبلها مجلات و جرايد و جبلها راديو و تلفزيون و سرير و دولاب و بعد سنيتن من الخطف سمحلها انها تخرج تتمشى معاه فـ البلد و يشتروا حاجات سوا.
علاقتهم بدأت تتحسن و بدأ يسيبها تخرج لوحدها بس هددها انها لو هربت هيقتلها و هيقتل اللي هيحاول يساعدها كمان,
و فـ يوم سنة 2006م ناتاشا كانت بتنضف العربية بتاعت بريكلوبيل بالمكنسة و هو جاله تليفون و مقدرش يتكلم بسبب صوت المكنسة فـ بعد عن المكان, ناتاشا استغلت الفرصة دي و سابت المكنسة شغالة و جريت من الجراج و راحت عند واحدة من الجيران و قالتلها انا ناتاشا كامبوش!, الست عرفتها على طول لأن البلد كلها كانت مقلوبة عليها, و جهاز الشرطة راحت و جابتها و اتأكدوا انها ناتاشا بعد ما عملولها تحليل DNA..
و لفت انتباه المحققين طريقة كلامها و الفصاحة و الذكاء اللي بتتمتع بيهم بسبب البرامج التعليمية اللي كانت بتشوفها و بتسمعها طول فترة خطفها.
بريكلوبيل لما عرف انها هربت انتحر, و لما وصل ناتاشا الخبر دا قعدت تعيط بشكل هستيري و غير متوقع و قالت انه هو كان طيب و غلبان جدا, لأنه قالها انها لو هربت البوليس مش هيقبض عليه حي و مكنتش بتقبل انه يتوصف او يتصنف كـ مجرم.
قصة ناتاشا اتجسدد في فيلم (3096 Days) اللي تم اصداره سنة 2013.
ليست هناك تعليقات:
إرسال تعليق